«O'ZSTANDART» AGENTLIGI

«SAMARQAND SINOV VA SERTIFIKATLASHTIRISH MARKAZI» DAVLAT KORXONASI

Ishonch telefoni :
(+998 66) 222-09-07

 “Самарқанд синов ва сертфикатлаштириш маркази” давлат корхонаси директори С.И.Қўшақовнинг 2018 йил 24 августдаги ўтказилган очиқ йиғилишидаги маърузаси

        

         Синов базаларини модернизация қилиш ва ривожлантириш бўйича қуйидагиларни маълум қилмоқчиман:

         Марказнинг синов лабораторияларини ривожлантиришда биринчи навбатда, харид қилинаётган синов ускуналарини замонавийлиги, энергия тежамкорлиги ва кўп функциялилигига эътибор қаратилмоқда. Хусусан, марказнинг 4 та синов лабораторияси ва метрология бўлимини модернизация қилиш учун  2017 йилда 13 та замонавий ускуналар ҳарид қилинди. Бу йўналишда 2016-2017 йилларда “Ўзстандарт” агентлиги махсус жамғармасидан жами 695 млн. сўм маблағ сарфланди. 2018 йилда 10 турдаги ускуналар харид қилиш учун 1 млрд сўмга яқин маблағлар ажратилмоқда, бу эса соҳага эътиборнинг жуда катта эканлигидан далолат беради.

            Кўрсатилаётган хизматларни халқаро талаблар даражасига етказиш бўйича эса,

         Марказ қошидаги “Автотранспорт воситалари ва уларнинг қисмларини синаш лабораторияси”ни халқаро аккредитациядан ўтказиш орқали мувофиқликни баҳолаш натижаларини халқаро даражада тан олинишига эришиш мақсадида, мазкур синов лабораторияси 2017 йил 23 ноябрда ISO/IEC 17025 халқаро стандартига мувофиқ аккредитациядан ўтказилди (Аккредитация гувоҳномаси KZ.T.00.1969).

            Синов лабораториясининг аккредитация доирасига Бирлашган Миллатлар ташкилоти Европа Иқтисодий комиссиясининг 76 та ҳалқаро қоидалари (Правил ЕЭК ООН) киритилган бўлиб, ушбу қоидалар доирасида 139 дан зиёд синов кўрсаткичларини синаш имконияти мавжуд.

         Бугунги кунда синов лабораторияси томонидан халқаро аккредитация доирасида 10 та ЕЭК ООН талаблари бўйича Қозоғистон Республикасида ишлаб чиқарилаётган 5 та “SHAC-MAN” юк автомобилларига 24 та синов ўтказилган ҳамда «UzAutoTrailer» МЧЖ (Ўзбекистон)да ишлаб чиқарилган 3 та ярим тиркама транспорт воситаларига 21 та синов ўтказилган (жами 53та синов баённомалари Россия, Қозоғистон давлатларида тан олинмоқда).

         Шунингдек, марказнинг сифат менежменти тизимларини сертификатлаштириш идораси Туркия давлатининг “Турк АК” халқаро ташкилоти томонидан 2017 йил 26 апрелда ISO/IEC 17021 халқаро стандартига мувофиқ ИСО 9001 стандарти бўйича халқаро аккредитациядан ўтказиди (Аккредитация гувохномаси AB-0133-YS).

         Идора томонидан 2017 йил давомида вилоятдаги 34 та корхоналар халқаро даражада сертификатлаштирилган бўлиб, бунинг натижасида берилган сертификатларни дунёнинг 100 яқин давлатларида тан олиш имконияти яратилди.

Марказ қошидаги Сертификатлаштириш идораси, Физик кимёвий синовлар лабораториясини озиқ-овқат ва қишлоқ хўжалиги маҳсулотлари йўналишида халқаро аккредитациядан ўтказиш режалаштирилган ҳозирги кунда аудит ўтказилиши кутилмоқда.

Маҳсулотлар хавфсизлигини таъминлаш ҳамда мажбурий сертификатланадиган маҳсулотларни тўлиқ қамраб олиш мақсадида марказ қошидаги сертификатлаштириш идораси аккредитация доирасига БМТ Европа иттифоқи комиссиясининг халқаро стандартлари ва Халқаро соғлиқни сақлаш ташкилотининг (ФАО/ВОЗ) “Кодекс Алиментариус” озиқ-овқат ва қишлок хўжалик маҳсулотлари бўйича 24 та CODEX STAN, 69 та ЕЭК ООН стандартлари, ҳамда амалиётга жорий этилган 256 та меъёрий хужжатларга (119 та халқаро стандартлар, 85 та давлатлароро стандартлар, 52 та Ўзбекистон давлат стандарти) кенгайтирилди. Халқаро стандартлар билан уйғунлашган 22 та (шундан, 17 та умумий 5 та махсус) техник регламентлар қамраб олинди.

         Аҳоли ва тадбиркорлик субъектларига хизмат кўрсатишда қулайликлар яратиш бўйича:

         Ўзбекистон Республикаси Президентининг 2017 йил 12 январдаги “Ургут”, “Ғиждувон”, “Қўқон”, “Хозарасп” эркин иқтисодий зоналарини ташкил этиш тўғрисидаги ПФ-4931-сонли фармони ижросини таъминлаш мақсадида 2017 йил март ойида “Самарқанд синов ва сертификатлаштириш маркази” давлат корхонасининг Самарқанд вилояти, Ургут шаҳар, Навоишох кўчаси, 120 уйда Ургут илмий-ишлаб чиқариш маркази ташкил этилди.

         Мазкур марказнинг асосий фаоляти халқаро стандартларга мувофиқ ишлаб чиқарилаётган маҳсулотларни стандартлаштириш, сертификатлаштириш ва маркировка қилишда тадбиркорларга амалий ёрдам кўрсатишдан иборат.

         Ургут илмий марказида “Самарқанд ССМ” ДК ҳамда «O`zbek-Turk Test Markazi» ҚК МЧЖ билан ҳамкорликда текстил йўналиши бўйича замонавий синов лабораторияси ҳам ташкил этилди.

         Шунингдек, 2017 йилда аҳоли ва тадбиркорларга қулайликлар яратиш мақсадида вилоятнинг Ургут, Нарпай туманлари ва Каттақўрғон шаҳрида маиший хисоблагичларни қиёслаш кўригидан ўтказиш шаҳобчалари ташкил этилиб, бугунги кунда тўлиқ қувват билан фаолият юритмоқда.

         Шахобча фаолиятини янада кенгайтириш мақсадида 2018 йилда Самарқанд ҳамда Иштихон туманларида шахобча ташкил этилди.

         Сертификатлаштириш идорасининг аккредитация доирасига 13 та ИСО, 77 та ГОСТ, 11 та CODEX STAN, 40 та ЕЭК ООН тоифасидаги халқаро қоидалар (жами 141 та) ҳамда 4 та Божхоналар иттифоқи техник регламентлари, 3 та мамлакатимизда амалда бўлган умумий техник регламентлар киритилмоқда.

         Озиқ-овқат ва қишлоқ хўжалиги маҳсулотларини синаш лабораторияси аккредитация доирасига 16 та ИСО, 7 та CODEX STAN, 43 та ЕЭК ООН тоифасидаги халқаро қоидалар, 77 та ГОСТ (40 та техник шартлар, 37 та синов методлари) киритилмоқда.

         Шу билан биргаликда, Ўзбекистон Республикаси Президентининг 2017 йил 28 апрелдаги ПҚ-2935-сонли Қарори ижросини таъминлаш мақсадида 2018 йил давомида Самарқанд вилоятидаги 297 та корхоналарга сифатни бошқариш тизимларини сертификатлаштириш режалаштирилган 8 ой якунида 200 дан зиёд корхоналар сертификатлаштирилиб, режа бажарилиб келинмоқда.

         Мувофиқликни баҳолаш соҳасига чет эл инвестицияларини жалб этиш бўйича:

         Мувофиқликни баҳолаш натижаларини Божхоналар иттифоқи давлатлари худудида тан олинишига эришиш ҳамда экспортёрларни оврагарчиликларини камайтириш, валюта харажатларини тежаш мақсадида “Самарқанд синов ва сертификатлаштириш маркази” давлат корхонаси томонидан Қозоғистон Республикасининг ТОО “Алматы стандарт” корхонаси билан ҳамкорликда 2017 йил апрел ойида «AL-SAM STANDART» қўшма корхонаси ташкил этилди

“Самарқанд синов ва сертификатлаштириш маркази” давлат корхонаси Корея давлатининг HANA PLANT CO.,LTD корхонаси билан биргаликда “SAM-KOR TESTING” номли қўшма корхона ташкил этиш ишлари олиб борилмоқда. Қўшма корхонанинг Низоми тайёрланган ҳамда юридик экспертизадан ўтказилган бўлиб, Жанубий корея томонига тақдим этилган. Томонлар қўшма корхонадаги улушлари миқдори бўйича якуний келишувга эришган (Самарқанд ССМ ДК – 51 %да, HANA PLANT CO.,LTD корхонасида 49%да), чет эл инвестор томонидан якуний битим тасдиқлангандан кейин қўшма корхона рўйхатдан ўтказилади.



       2018 yil 23 oktyabr kuni Samarqand viloyat matbuot markazida tadbirkorlar hamda jurnalistlar uchun tashkil etilgan davra suhbatida “Samarqand sinov va sertifikatlashtirish markazi” davlat korxonasi direktori v.v.b Anvar Nabievning ma'ruzasi.

      Assalomu aleykum!, avvalambor viloyat matbuot markazida ushbu tadbirni tashkillashtirishdagi hamkorligi uchun raxmat aytmoqchiman.

     Aholi va tadbirkorlarga qulayliklar yaratish bo‘yicha filiallarni tashkil etish bo‘yicha

    “Urgut” erkin iqtisodiy zonasida ishlab chiqarilayotgan mahsulotlarni standartlashtirish, sertifikatlashtirish va markirovka qilish bo‘yicha xalqaro standartlarga muvofiq ilmiy-ishlab chiqarish markazi (Urgut ilmiy-ishlab chiqarish filiali) faoliyati yo‘lga qo‘yildi.

      Aholiga qulayliklar yaratish, maishiy hisoblagichlarni qiyoslash ishlarini tashkil etish maqsadida Kattaqo‘rg‘on shahri (Manzil: Kattaqo‘rg‘on shahri O‘zbekiston ko‘chasi, 39 “a” uy), Urgut (Manzil: Urgut tumani, Navbog‘ mahalla, Navoiyshox ko‘chasi), Samarqand (Manzil: Samarqand tuman, Gulobod mahallasi), Ishtixon (Manzil: Ishtixon shahar, J.Mahmudov MFY, Kattaqo‘rg‘on ko‘cha) tumanlarida qiyoslash shahobchalari tashkil etildi. Shuningdek, ushbu filiallar soha bo‘yicha bepul maslahatlar berish tizimi yo‘lga qo‘yilgan.
 Bu borada ishlar tizimli davom ettirilmoqda.

      Muvofiqlikni baholash natijalarini xalqaro darajada tan olinishiga erishish bizning oldimizda turgan eng katta masalalardan biridir.
Chunki, muvofiqlikni baholash natijalarini xalqaro darajada tan olinishi, davlatlar o‘rtasidagi savdo aylanmasi, mamlakat eksport salohiyati ortishiga xizmat qiladi. Mahsulotlarimizga bo‘lgan ishonch yanada ortadi.
      Markaz bu borada ishlarni tizimli amalga oshirib kelmoqda.
     Markaz qoshidagi “Avtotransport vositalari va ularning qismlarini sinash laboratoriya”si ISO/IEC 17025 standartiga muvofiq halqaro akkreditatsiyadan o‘tkazildi (2017 yil 23 noyabr kuni KZ.T.00.1969 - raqamli akkreditatsiya guvohnomasi Qozog‘iston Respublikasi “Milliy akkreditatsiya markazi” tomonidan rasmiylashtirilgan).
      Avtotransport  vositalarini sinash laboratoriyasining akkreditatsiya doirasiga Birlashgan Millatlar tashkiloti yevropa Iqtisodiy komissiyasiyasining 76 ta halqaro qoidalari (Pravil yeEK OON) kiritilgan bo‘lib, ushbu qoidalar doirasida 139 dan ziyod sinov ko‘rsatkichlarini sinash imkoniyati mavjud.
markazning Sifat tizimlarini sertifikatlashtirish idorasini Turkiya davlatining “Turk AK” xalqaro akkreditlash tashkiloti bilan hamkorlikda xalqaro akkreditatsiyadan o‘tkazildi 2017 yil 26 aprelda AB-0133-YS- raqamli akkreditatsiya guvohnomasi rasmiylashtirilgan. Hozirda 34 ta korxonalar halqaro darajada ISO 9001 standarti asosida sertifikatlashtirilgan.

     Muvofiqlikni baholashni xalqaro darajada tan olish maqsadida 2018 yil davomida 1 ta laboratoriya hamda 1 ta mahsulotlarni sertifikatlashtirish idorasi xalqaro akkreditatsiyadan o‘tkazilmoqda.
     Fizik-kimyoviy sinovlar laboratoriyasini akkreditatsiya doirasini oziq-ovqat va qishloq xo‘jaligi mahsulotlariga;
    Mahsulotlarni sertifikatlashtirish idorasi akkreditatsiya doirrasini oziq-ovqat va qishloq xo‘jaligi mahsulotlariga xalqaro darajada kengaytirish maqsadida Qozog‘iston Respublikasining “Milliy akkreditatsiya markazi”ga murojaat qilingan joriy yil oktyabr oyi boshida muvofaqiyatli audit o‘tkazilgan.

     Bulardan tashqari korxonalar xalqaro e'tirof etilishi uchun Xalqaro standartlarga muvofiq sifat tizimlarini joriy etish katta ahamiyatga ega.
O‘zbekiston Respublikasi Prezidentining 2017 yil 28 apreldagi PQ-2935-sonli Qarori ijrosi yuzasidan Samarqand viloyatidagi 1229 ta korxonalarda 2017-2020 yillarda  xalqaro standartlarga muvofiq sifat menejmenti tizimlarini joriy etish belgilangan.
      2018 yilda 297 ta korxonalar sertifikatlashtirilishi belgilangan edi bugungi kun holatiga barcha korxonalar sertifikatlashtirilgan.
Shulardan: ISO 9001 standarti bo‘yicha 296 ta korxonalar, ISO 22000 standarti bo‘yicha 1 ta “ECO LIFE FRUITS” MChJ korxonasi shular jumlasidan.

     Shuningdek, markaz ichki bozorni himoyalash bo‘yicha ham bir qator ishlar amalga oshirib kelinmoqda, markazning sinov bazasini rivojlantirish maqsadida 2018 yil 9 oy davomida 9 ta  uskunalar xarid qilingan.
    Bulardan tashqari eksportga ko‘maklashish maqsadida Birlashgan millatlar tashkiloti yevropa iqtisodiy komissiyasining xalqaro  standartlari va Xalqaro sog‘liqni  saqlash  tashkilotining  (FAO/VOZ) “Kodeks Alimentarius” oziq-ovqat va qishlok xo‘jalik mahsulotlari bo‘yicha standartlarini korxonalarda joriy etishda amaliy yordam ko‘rsatilmoqda, korxonalarga soha bo‘yicha bepul konsultatsiya berib kelinmoqda.
Batafsil ma'lumotlar qo‘llaringizga tarqatilgan kitobcha orqali ham olishingiz mumkin.

Orphus system